Zvicra mori një lajm të hidhur mëngjesin e sotëm, ku mbrojtësi i Hoffenheimit, Albian Hajdari i tha “po” Kosovës edhe zyrtarisht.

Për këtë lajm kanë shkruar edhe mediat më të madhe zvicerane, duke e cilësuar si një goditje tjetër pas asaj të shtatorit, ku Leon Avdullahu iu bashkua Kosovës, shkruan Arbresh.info.

Një koment të shkurtër e dha edhe Drejtori i kombëtares së Zvicrës, Pierluigi Tami.

“Albiani është përzgjedhur për ekipin senior nacional disa herë. Ai ishte pjesë e ekipit, por nuk është stabilizuar si startues i rregullt. Tani ai ka vendosur që të luajë për Kosovën në të ardhmen dhe ne e respektojmë vendimin e tij”, ka thënë Tami për “Blue Sport”.

Albian Hajdari do të jetë gati për dy ndeshjet e tetorit ndaj Sllovenisë dhe Suedisë të vlefshme për kualifikim në Kupën e Botës./Arbresh.info